KORNIZA E AFATEVE KOHORE PËR REALIZIMIN E AKTIVITETEVE KRYESORE NË UNIVERSITETIN E PRISHTINËS

Ky dokument paraqet një kornizë të strukturuar dhe të koordinuar të afateve kohore për realizimin e aktiviteteve kryesore akademike dhe administrative në Universitetin e Prishtinës, me fokus të veçantë në proceset që ndërlidhen me konkurset për pranimin e studentëve të rinj në nivelet BA, MA dhe PhD, si dhe me menaxhimin e personelit akademik.

Korniza e propozuar synon të sigurojë planifikim të hershëm, transparencë institucionale dhe harmonizim ndërmjet njësive akademike dhe organeve qendrore të universitetit, në mënyrë që fillimi i vitit të ri akademik, çdo 15 shtator, të realizohet pa pengesa organizative apo procedurale.

Afatet e paraqitura në tabelë përfshijnë ciklin vjetor të aktiviteteve akademike, duke filluar nga afatet e provimeve, proceset e akreditimit dhe riakreditimit, konkurset për avancime akademike, shpalljen dhe realizimin e konkurseve për studime, organizimin e provimeve pranuese, regjistrimin e studentëve, si dhe aktivitete të tjera institucionale me rëndësi strategjike.

 

Afati kohor	Aktiviteti	Sqarim shtesë
Fundi i muajit janar / fillimi i muajit shkurt	Shkolla dimërore “WarmUP”
Dy javët e fundit të janarit dhe dy javët e para të muajit shkurt	Afati i provimeve përfundimtare (janar/shkurt)
Java e parë dhe e dytë e muajit shkurt	Regjistrimi i semestrit veror	Afati për regjistrim të semestrit hapet vetëm një herë
15 shkurt	Dita e Universitetit	Organizim nga UP-ja
Java e dytë e muajit shkurt	Promovimi i doktorëve të shkencës	Organizim nga KQSD-ja
Java e parë e muajit mars	Aplikimi në SEMS, fillimi i procesit të rizgjedhjes dhe avancimit të personelit akademik	Procesi i rizgjedhjes dhe avancimit menaxhohet në nivel të njësisë akademike, pa pasur nevojë për konkurs publik
Gjatë muajit mars	Shpallja e konkurseve për mësimdhënës dhe asistentë të angazhuar (adjunct) për vitin/et vijues/e	Shembull: Programeve të cilave u skadon akreditimi në shtator të vitit 2027, aplikojnë në prill të vitit 2026
Më së voni deri më 1 prill	Dorëzimi i aplikacioneve dhe dokumentacionit përkatës për akreditim dhe riakreditim	Shembull: Programeve të cilave u skadon akreditimi në shtator të vitit 2027, aplikojnë në prill të vitit 2026.
Java e parë e muajit prill	Shpallja e konkursit për studime të doktoratës	Konkursi i studimeve të doktoratës qëndron i hapur deri në fund të muajit maj
Java e fundit e muajit qershor	Miratimi dhe shpallja e konkursit për studime BA	Afati i parë i pranimit të studentëve të nivelit BA fillon me shpalljen e konkursit në fund të muajit qershor dhe përfundon sipas dinamikës së paraparë në konkurs
Java e parë e muajit korrik	Miratimi dhe shpallja e konkursit për studime MA	Afati i parë i pranimit të studentëve të nivelit MA fillon me shpalljen e konkursit në fund të muajit qershor dhe përfundon sipas dinamikës së paraparë në konkurs
Muaji qershor	Afati i provimeve përfundimtare (qershor)	Sipas mundësive të NJA-ve, java e parë e muajit qershor të mos ketë provime të planifikuara Provimet e vitit të fundit të studimeve DUHET të planifikohen në fillim të afatit të provimeve
Muaji qershor	Miratimi i propozimeve të NJA-ve për profesorët vizitorë për vitin akademik të radhës	Propozimet e NJA-ve
Java e parë e muajit qershor Java e dytë e janarit	Dorëzimi i pasqyrave të angazhimit të personelit akademik Rishikim i pasqyrave (nëse ka ndryshime)	ZÇA - përgatitja e kontratave
Tre javët e para të muajit korrik	Deklarimi i personelit akademik në e-akreditimi	https://e-akreditimi.rks-gov.net/
Java e parë e muajit qershor	Organizimi i provimit pranues për studimet e doktoratës
Java e dytë e muajit korrik	Organizimi i provimit pranues për studimet BA dhe MA	Që të lejohet hapësirë për përgatitjet e duhura, NjA ndahen në tri grupe për nivelin BA dhe bëhen kombinime me provimin në nivelin MA Nëse për studimet BA provimi pranues mbahet më 8, 9, 10 atëherë për studimet MA ai mbahet më 11 dhe/ose 12
Java e tretë e muajit korrik	Shpallja e rezultateve (preliminare dhe përfundimtare) për studimet BA, MA dhe PhD
Deri më 14 shtator	Regjistrimi i studentëve të rinj të pranuar në programet BA, MA dhe doktoraturë	Administrata Qendrore
Java e dytë dhe e tretë e korrikut	Universiteti Ndërkombëtar Veror i Prishtinës (PISU)	Thirrja për aplikime për profesorët (Java e dytë e shtatorit) Thirrja për studentët (Java e dytë e dhjetorit)
Java e fundit e korrikut si dhe java e parë dhe e dytë e muajit gusht	Pushim kolektiv (VETËM) për personelin akademik
Java e tretë e muajit gusht	Shpallja e konkurseve plotësuese për studimet BA, MA, eventualisht edhe PhD
Java e fundit e muajit gusht dhe dy javët e para të shtatorit	Afati i provimeve përfundimtare (shtator)	Përjashtimisht NjA me numër të madh të studentëve mund të mbajnë provime edhe në javën e tretë të muajit shtator
Deri më 30 shtator	Regjistrimi i semestrit dimëror për studentët aktualë	Afati për regjistrim të semestrit hapet vetëm një herë
Java e parë e muajit shtator	Eventualisht organizimi i provimeve plotësuese pranuese për BA, MA,dhe PhD	Afati plotësues.
Java e parë e muajit shtator	Deklarimi i personelit akademik për angazhimin brenda dhe jashtë UP
15 shtator	Fillimi i vitit të ri akademik
1 tetor	Dita e Studentëve	Ndarja e çmimeve: Studenti i dalluar; Alumni Nderi etj.
Java e parë e muajit tetor	Aplikimi në SEMS, fillimi i procesit të rizgjedhjes dhe avancimit të personelit akademik	Procesi i rizgjedhjes dhe avancimit menaxhohet në nivel të njësisë akademike, pa pasur nevojë për konkurs publik
Java e parë e muajit janar	Pushim kolektiv (VETËM) për personelin akademik
Java e fundit e muajit janar	Raportimi vjetor i njësive akademike	Të gjitha NjA duhet të përdorin formatin standard të raportimit

*Vërejtje: Ky orar mund të pësojë ndryshime, duke përfshirë shtimin ose largimin e aktiviteteve, në varësi të nevojave dhe kërkesave të kohës.