Prorektorja për bashkëpunim ndërkombëtar e Universitetit të Prishtinës “Hasan Prishtina”, prof. asoc. dr. Albulena Blakaj, dhe prof. dr. Avdulla Alija kanë vizituar Universitetin e Evropës Juglindore në Maqedoninë e Veriut, në vijimësi të angazhimeve në kuadër të projektit STAND.
Delegacioni i UP-së, për tri ditë me radhë, ka marrë pjesë në punëtorinë për adaptimin e praktikave më të mira në qeverisjen e universitetit, ku të pranishëm ishin përfaqësues të institucioneve partnere të projektit STAND.
Punëtoria është fokusuar në rolin në zhvillim të drejtuesve të universitetit dhe në aftësitë e nevojshme për drejtim dhe transformim të institucioneve të arsimit të lartë.
STAND është projekt në kuadër të ERASMUS+, në të cilin UP-ja është partner. Për më shumë rreth projektit, kliko këtu: https://uni-pr.edu/page.aspx?id=1,93
![](/desk/inc/media/50700007-9951-4684-B6CE-1EE536AECC8A.jpg)
![](/desk/inc/media/F02F70B9-B94F-4A67-B24E-FA18F2F0DC63.jpg)
![](/desk/inc/media/EA25366A-EC5C-49FA-8043-046A8F8D8D54.jpg)