Fakulteti i Edukimit Fizik dhe Sportit i Universitetit të Prishtinës “Hasan Prishtina” ka themeluar Akademinë për Lidership dhe Vullnetarizëm. ALV-UP synon t’i përgatisë studentët rreth organizimit të ngjarjeve sportive vendore dhe ndërkombëtare.
Me këtë rast, akademia ka hapur thirrjen për aplikim të studentëve për t’u bërë pjesë e trajnimeve profesionale në fushat si në vijim:
- Sport
- Mjekësi
- Media dhe PR
- Marketing
- Transport
- Akomodim, mikpritje dhe katering
- ICT
- Koordinim të përgjithshëm
Në rundin e parë të trajnimeve do të përzgjidhen gjithsej 150 studentë nga këto njësi akademike të UP-së:
- Fakulteti i Edukimit Fizik dhe i Sportit
- Fakulteti i Mjekësisë
- Fakulteti i Filologjisë
- Fakulteti Ekonomik
- Fakulteti i Inxhinierisë Mekanike ( Programi: Komunikacion dhe Transport)
- Fakulteti Juridik
- Fakulteti i Inxhinierisë Elektrike dhe Kompjuterike.
Për mënyrën e aplikimit dhe informatat e plota rreth akademisë, ju lutëm të klikoni vegzën në vijim: https://alv-ks.com/
Akademia për Lidership dhe Vullnetarizëm ka për qëllim zhvillimin e kapaciteteve të brendshme të organizimit, inicimin e bashkëpunimit me universitetet ndërkombëtare, promovimin ndërkombëtar të vlerave të UP-së , si dhe angazhimin e studentëve të fakulteteve përkatëse në ngjarje të rëndësishme sportive, duke u krijuar mundësinë që të përfitojnë përvojë profesionale.
Data e fundit për aplikim: 12 shkurt 2021.