Universiteti i Prishtinës hap thirrje për aplikim për bursë për semestrin dimëror 2023/2024, në “Europian University Viadrina Frankfurt", Gjermani, në kuadër të programit Erasmus +.
Llojet e mobilitetit përfshijnë:
- Shkëmbim të studentëve të Fakultetit Filozofik dhe Ekonomik të nivelit BA, MA&PhD;
- Shkëmbim të stafit akademik dhe administrativ.
Të drejtë aplikimi kanë studentët e Fakultetit Filozofik nga Departamentet Antropologji dhe Sociologji si dhe studentët nga Fakulteti Ekonomik të Universitetit të Prishtinës të cilët kanë të përfunduar të paktën vitin e parë (BA), semestrin e parë (MA) ndërsa për studentët Ph.D një projekt propozim rreth hulumtimit që planifikoni ta realizoni gjatë mobilitetit tuaj.
Dokumentet e nevojshme për aplikim:
- Certifikata e notave/transkripta (në gjuhën angleze);
- CV (në gjuhën angleze);
- Kopje e pasaportës (faqja që përmban emrin tuaj, foton dhe të dhënat personale);
- Një letër motivimi (në gjuhën angleze);
- Vërtetim që jeni student (i lëshuar nga fakulteti juaj, që konfirmon nivelin tuaj të studimeve dhe vitin akademik);
- Certifikata e njohjes së gjuhës angleze ose gjermane (minimumi niveli B2).
- Nota mesatare duhet të jetë jo më pak se 8.00.
Dokumentet e nevojshme për staf akademik dhe administrativ janë:
- CV (në gjuhën angleze);
- Një dokument që dëshmon që jeni staf i Universitetit të Prishtinës;
- Një letër motivimi (në gjuhën angleze);
- Kopje e pasaportës (faqja që përmban emrin tuaj, foton dhe të dhënat personale);
Për më shumë informacione luteni që ta vizitoni ueb faqën e univesitetit të lartpermendur: https://www.europa-uni.de/en/internationales.
Thirrja është e hapur deri me datë 06 prill 2023. Luteni që dokumentet e kompletuara t’i dërgoni të skanuara dhe bashkëlidhura në një dokument të vetëm PDF në emaili adresën: [email protected].
Për mundësitë që UP ofron vizitoni ueb faqen: www.uni-pr.edu