Ish-kryetari i Gjykatës Evropiane për të Drejtat e Njeriut dhe kryetar i Bordit të Rrjetit Gjyqësor të Kampionëve të Çështjeve Gjinore në Ballkanin Perëndimor, z. Robert Spano, mbajti ligjëratë në Fakultetin Juridik me temën:
“Demokracia gjithëpërfshirëse dhe sundimi i ligjit: Lufta për të ardhmen tonë”
Ligjërata u organizua nga UP - Fakulteti Juridik, në bashkëpunim me Gjykatën Kushtetuese të Republikës së Kosovës.
Dekani i Fakultetit Juridik, prof. Avni Puka, e hapi ligjëratën me një fjalë mirëseardhëse.
E pranishme në ligjëratë ishte edhe znj. Gresa Caka-Nimani, kryetare e Gjykatës Kushtetuese të Republikës së Kosovës.
Të pranishëm në ligjëratë ishin edhe prokurorë, avokatë, dekanë, profesorë e shumë studentë të UP-së. Në fund të ligjëratës ishte një diskutim i hapur me pyetje dhe përgjigje.