Është mbajtur ceremonia e mbylljes së përfundimit me sukses të Universitetit të 22-të Ndërkombëtar Veror të Prishtinës.
Universiteti i Prishtinës vlerëson këtë mundësi për të organizuar një ngjarje të tillë, e cila ishte një rrugëtim i jashtëzakonshëm mësimi, zhvillimi dhe ndërveprimi kulturor ndërmjet studentëve dhe profesorëve vendorë dhe ndërkombëtarë.
Në fjalën e tij hyrëse, rektori i Universitetit të Prishtinës, dr. Qerim Qerimi vlerësoi për përfundimin me sukses të universitetit veror dhe theksoi përkushtimin e palëkundur në objektivat e arsimit. Rektori theksoi vizionin e zhvillimit të një mjedisi ku studentët dhe profesorët mund të ndërveprojnë për të shkëmbyer informacion dhe për të krijuar lidhje të qëndrueshme, siç ndodhi në këtë rast të veçantë me universitetin veror. Rektori shprehu mirënjohjen e thellë për profesorët dhe studentët nga e gjithë bota dhe profesorët dhe studentët vendorë që morën pjesë në këtë universitet veror, duke thënë se prania e tyre e ka pasuruar kampusin e Universitetit të Prishtinës me diversitet, ide të reja dhe frymë të gjallë ndërveprimi.
Prorektorja Arta Basha- Jakupi në fjalën e saj theksoi përkushtimin e Universitetit të Prishtinës për ndërkombëtarizim. Prorektorja Basha-Jakupi nënvizoi se suksesi i këtij universiteti veror është ndikuar shumë nga përpjekjet e palëkundura të institucionit akademik për të zgjeruar horizontet dhe për të promovuar një perspektivë ndërkombëtare brenda institucionit.
Ndërsa profesoresha Arbenita Hasani, e cila ka mbajtur edhe një modul për aditivët ushqimorë, theksoi përkushtimin e saj në këtë lëndë, duke u dhënë studentëve një shans të rrallë për të thelluar dhe kuptuar kompleksitetin e kësaj lënde të rëndësishme dhe rolin e universitetit veror.
Studentët vendas dhe ndërkombëtarë nga ky universitet veror iu drejtuan pjesëmarrësve me një fjalim ku përmblidhnin përvojat e tyre në universitetin veror, duke përfshirë njohuritë, aftësitë dhe kulturën angazhuese që kishin fituar.
Studentët pjesëmarrës ju dhanë certifikata për përfundimin me sukses të universitetit veror. Ndërsa stafit të Zyrës për Marrëdhënie me Jashtë, ju ndanë mirënjohje për kontributin e dhënë në organizimin e këtij edicioni të universitetit veror.
Faleminderit dhe urime edhe një herë për të gjithë të përfshirë në edicionin e 22-të të Universitetit Veror Ndërkombëtar të Prishtinës!