Është publikuar sot numri i katërt i revistës „Karriera” që botohet nga Qendra për Zhvillim të Karrierës dhe ofron këshilla për studentët se si t’i qasen tregut të punës.

Revista ka për qëllim informimin, orientimin dhe edukimin në karrierë të studentëve dhe të diplomuarve të UP-së, duke u ndihmuar atyre në udhëtimin profesional me informacione të nevojshme për punësim dhe trendin e zhvillimit të profesioneve të caktuara.

Në këtë numër të „Karrierës”, përveç artikujve për punësim dhe punëdhënës, ka edhe shkrime për punën vullnetare, ndërsa siç është bërë traditë e revistës, studentët dhe lexuesit gjithnjë i përshëndet me fjalën e tij rektori i Universitetit të Prishtinës.

Revista Karriera Nr. 4 - Dhjetor, 2024