Hapet thirrja për bursa në programin Erasmus+ në "Radboud Summer School” në Holandë.

Universiteti i Prishtinës hap thirrjen për aplikim për bursa në "Radboud University” në Holandë për shkollë verore në kuadër të programit Erasmus + Mobility të Komisionit Evropian.

Më shumë informata lidhur me kurset që mund të ndiqni në Radboud i gjeni në linkun si më poshtë: https://www.ru.nl/en/education/more-education-and-training/summer-courses/courses-by-week

Dokumentet e nevojshme për aplikim për studentët e doktoratës:

• Vërtetim studenti (i lëshuar nga fakulteti juaj në gjuhën angleze, që konfirmon nivelin tuaj dhe vitin e studimit gjatë këtij viti akademik);
• Certifikata e notave/Transkripta;
• Certifikata e njohjes së gjuhës angleze (niveli minimal i gjuhës angleze B2);
• CV (në gjuhën angleze);
• Një letër motivimi (në gjuhën angleze);
• Kopje e pasaportës.

Dokumentet e nevojshme për aplikim për stafin janë:

• CV (në gjuhën angleze);
• Kopje e pasaportës (faqja që përmban emrin tuaj, foton dhe të dhënat personale) ose letërnjoftimit;
• Certifikata e njohjes së gjuhës së huaj (niveli minimal i gjuhës angleze C1).

Për të aplikuar në këtë thirrje luteni të klikoni në linkun më poshtë: https://smss.uni-pr.edu  dhe t’i ngarkoni të gjitha dokumentet e kërkuara më së largu deri me datën 05 shkurt 2025.:

Vëmendje:

• Bursa është në vlerë 1.395,00 euro, por duhet të keni parasysh se nga kjo vlerë do të duhet të paguani tarifën e shkollës verore, e cila është 754,80 euro.
• Vetëm dokumentet e kompletuara do të merren në konsideratë.

Për më shumë informacion mbi bursat mund të kontaktoni znj. Liridona Gashi Borovci në adresën elektronike: [email protected];

Për udhëzime rreth mënyrës së aplikimit, klikoni në këtë link: Udhëzuesi.

Universiteti i Prishtinës ju uron suksese në aplikimin tuaj!

Për më shumë informata lidhur me mundësitë që ofron UP-ja, vizitoni ueb faqen: www.uni-pr.edu