Të nderuar studentë dhe ju të diplomuar,

Ju njoftojmë se Qendra për Zhvillim të Karrierës në bashkëpunim me Young Cell Scheme -  Raundi XV, bashkëfinancuar nga Bashkimi Evropian dhe Qeveria e Kosovës dhe zbatuar nga Konsorciumi Universiteti Aristotel në Selanik dhe INSP, do të organizojë një takim informues për studentët e vitit të tretë të studimeve në shkallën bachelor dhe të diplomuarit e të gjitha fakulteteve të Universitetit të Prishtinës.

Qëllimi i këtij aktiviteti është që studentët dhe të diplomuarit, të përfitojnë më shumë njohuri rreth programit te bursave për studime master me financim të plotë, në fusha të ndryshme në ndonjë universitet në shtetet e Bashkimit Evropian.

Informatat e detajuara për bursat e Young Cell Scheme mund t’i merrni nga panelistët:

Z. Nick Kyfonidis, Young Cell Scheme

Znj. Violeta Ademi, Young Cell Scheme

Znj. Arjeta Galimuna, Young Cell Scheme

Sesioni informativ për bursat master zhvillohet më 27 nëntor 2024 në Bibliotekën Kombëtare të Kosovës Pjetër Bogdani duke nisur prej orës 10 e 30.

Pjesëmarrjen tuaj në këtë ngjarje mund ta konfirmoni në këtë link.

Më shumë informacione për bursat Young Cell Scheme mund të gjeni në faqen zyrtare të këtij programi.

Për çfarëdo informate shtesë a paqartësie, mund ta kontaktoni Qendrën për Zhvillim të Karrierës.

Ju mirëpresim në sesionin informues për bursat master!