Santefarm SH.P.K. financon deri në gjashtë (6) bursa, secila në vlerë prej 100.00 (njëqind) euro në muaj për një vit akademik, për studentët e Degës së Farmacisë të Fakultetit të Mjekësisë të Universitetit të Prishtinës "Hasan Prishtina".

Kushtet e përgjithshme
Bursat ndahen për studentët e nivelit të studimeve themelore (baçelor)
Të drejtë aplikimi për bursë kanë studentët të cilët i plotësojnë këto kushte:

1. Të jenë studentë të Degës së Farmacisë të Fakultetit të Mjekësisë;
2. Të jenë shtetas të Republikës së Kosovës;
3. Të kenë të regjistruar së paku vitin e dytë të studimeve;
4. T’i kenë të përfunduara të gjitha provimet nga viti paraprak i studimeve;
5. Të mos kenë vit akademik të përsëritur;
6. Përparësi kanë studentët të cilët vijnë nga familjet me gjendje jo të mirë financiare apo përfituese të asistencës sociale;
7. Në rastin kur paraqitet numër më i madh i kandidatëve me kushte të njëjta, përparësi  kanë kandidatët me notë më të lartë mesatare;
8. Përparsi kanë studentet që udhëtojnë dhe janë me vendbanim jashtë Prishtinës.
9. Studentët të cilët janë përfitues të bursës së Universitetit të Prishtinës nuk kanë të drejtë aplikimi.

Dokumentacioni i nevojshëm për aplikim
Studentët të cilët i plotësojnë kushtet nga pika I e këtij konkursi, aplikimin duhet ta bëjnë përmes SEMS:

1. Kërkesa për aplikim
   (Studenti obligohet që kërkesën për aplikim ta printoj dhe ta dorëzoj në shërbimin e studentëve të Fakultetit të Mjekësisë përkatës, si dëshmi që ka aplikuar brenda afatit të paraparë të konkursit.)

Përgjegjësinë për saktësinë e të dhënave do ta bartin vetë studentët.

Afati i aplikimit
1. Aplikimi përmes SEMS dhe është i hapur prej prej datës 17.09.2024 deri me datë 23.09.2024, në orën 16:00.
2. Ditën e parë të konkursit, me datë 17.09.2024, aplikimi elektronik do të funksionalizohet nga ora 11:00.