Universiteti i Prishtinës hap thirrje për aplikim për mobilitete në Universitetin e Mariborit në Slloveni, në kuadër të programit Erasmus+ për semestrin veror 2024/2025.
Llojet e mobilitetit përfshijnë:
- Shkëmbim të stafit nga administrata për trajnim dhe nga stafi akademik për mësimdhënie
- Marrëveshja për Mobilitet (Mobility Agreement) duhet të nënshkruhet nga koordinatori i projektit në Zyrën për Marrëdhënie me Jashtë.
- Aplikimi bëhet direkt në Universitetin e Mariborit.
- Formularin për aplikim mund ta gjeni këtu: https://forms.office.com/e/XHf8bBqdSC
- Po ashtu ju duhet të kontaktoni njërin nga koordinatorët në Universitetin e Mariborit, që do të organizojë trajnimin/orët mësimore gjatë kohës së mobilitetit tuaj. Në linkun më poshtë mund t’i gjeni kontaktet e koordinatorëve: https://www.erasmusplus.um.si/koordinatorji/
- Dokumentet e kompletuara kërkohet t’i dërgoni te partnerët në adresën elektronike: [email protected] si dhe ta mbani në cc Zyrën për Bashkëpunim Ndërkombëtar në adresën: [email protected].
Të interesuarit për aplikim mund të informohen në linkun më poshtë: https://www.erasmusplus.um.si/international-staff/application/application-for-partner-countries/ ose te Zyra për Marrëdhënie me Jashtë, Biblioteka Universitare, Rr. Eqrem Çabej, nr. 111, Prishtinë.
Thirrja është e hapur deri më 03.04.2025!
Realizimi i mobilitetit duhet të bëhet para datës 31 korrik 2025.