Universiteti i Prishtinës hap thirrje për aplikim për bursa për semestrin dimëror të vitit akademik 2025/2026 për mobilitete në Universitetin Chieti-Pescara, Itali, në kuadër të programit Erasmus +.
Llojet e mobilitetit përfshijnë:
- Shkëmbimin e studentëve për një semestër Bachelor dhe Master
Fushat e mobilitetit si më poshtë:
- Mjekësi e përgjithshme, Infermieri, Stomatologji, Shkenca Sociale, Drejtësi dhe Ekonomi.
Bachelor - (studentët duhet të jenë të regjistruar në një program studimi Bachelor në Universitetin e Prishtinës, në programe të ngjashme, për të cilat aplikojnë në Universitetin e Chietit. Të drejtë aplikimi kanë vetëm studentët, të cilët kanë të përfunduar të paktën vitin e parë të studimeve).
Master - (studentët duhet të kenë të përfunduar të paktën një semestër të studimeve Master në Universitetin e Prishtinës, në programe të ngjashme, për të cilat aplikojnë në Universitetin e Chietit, Itali.
Kohëzgjatja e bursave:
-Bachelor dhe Master (1 semestër, 5 muaj)
Dokumentet e nevojshme për aplikim për studentët:
· Certifikata e notave/transkripta;
· Vërtetim studenti (i lëshuar nga fakulteti juaj që konfirmon nivelin tuaj dhe semestrin/vitin e studimit gjatë këtij viti akademik);
· Një letër motivimi (në gjuhën angleze);
· CV (në gjuhën angleze);
· Certifikata e gjuhës angleze (niveli B2);
Inkurajohen studentët me më pak mundësi (category with fewer opportunities) të aplikojnë në këtë thirrje.
Për më shumë informata vizitoni ueb faqen: https://www.unich.it/international/erasmus-incoming-students , https://www.unich.it/sites/default/files/2025-04/infosheet%202025-2026.pdf ndërsa për kurset e ofruara vizitoni linkun: https://en.unich.it/teaching
Për të aplikuar në këtë thirrje luteni të klikoni në linkun më poshtë: https://smss.uni-pr.edu dhe t’i ngarkoni të gjitha dokumentet e kërkuara më së largu deri me datën 8 qershor 2025.
Për më shumë informata lidhur me mundësitë që ofron UP-ja, vizitoni ueb faqen: www.uni-pr.edu, ndërsa lidhur me këtë thirrje mund ta kontaktoni znj. Afërdita Rexhepi në adresën elektronike: [email protected].
Për instruksione se si të aplikoni, e gjeni udhëzuesin në linkun më poshtë: 9A50B76F-B459-4F8C-9B83-EB863B89B474.pdf (uni-pr.edu).