Detyrat dhe përgjegjësitë e Zyrës për Bashkëpunim Ndërkombëtar janë:

• Përkrah zhvillimin e bashkëpunimit ndëruniversitar ndërkombëtar nëpërmjet marrëveshjeve dhe protokolleve;
• Koordinon dhe i përkrah projektet rajonale dhe ndërkombëtare;
• Udhëheq programin e Universitetit Veror të Prishtinës (UVP);
• Ndihmon rektorin dhe prorektorin për bashkëpunim ndërkombëtar në të gjitha nivelet për bashkëpunim ndërkombëtar;
• Përgatit për nënshkrim tekstin e marrëveshjeve dhe protokolleve si dhe organizon ceremonitë përkatëse;
• Merr pjesë si anëtar i Komisionit të UVP-së, me qëllim të planifikimit të strategjive të mëtutjeshme për zbatimin e suksesshëm të projektit;
• Harton dhe zbaton projekte, të cilat e avancojnë punën kërkimore dhe shkencore në universitet, në bashkëpunim me prorektorin për bashkëpunim ndërkombëtar;
• Merr pjesë në takime, konferenca, trajnime të nivelit lokal, rajonal dhe ndërkombëtar, me qëllim të prezantimit të Zyrës për Bashkëpunim Ndërkombëtar dhe UP-së.