Kemi kënaqësinë të ndajmë lajmin për vizitën e prof. dr. Arta Basha Jakupi, prorektore për ndërkombëtarizim në Universitetin e Prishtinës, e zhvilluar në Universitetin Perëndimor të Timisoara dhe në Universitetin e Shkencave King Michael I në Timisoara, Rumani.
Qëllimi i vizitës ishte ndërmjetësimi dhe eksplorimi i mundësive për bashkëpunim mes universiteteve.
Gjatë vizitës së saj në Universitetin Perëndimor të Timisoara, prof. dr. Jakupi pati rastin të takohet me prof. Catalina Ancuta, e cila mban postin e prorektores për ndërkombëtarizim dhe diasporë në të njëjtin universitet. Takimi ishte një mundësi e jashtëzakonshme për shkëmbimin e ideve, përvojave dhe informacioneve mes dy institucioneve, thellimin e mirëkuptimit dhe bashkëpunimit mes tyre.
Në vazhdim të kësaj vizite, prof. dr. Jakupi vizitoi Universitetin e Shkencave King Michael I në Timisoara. Ajo shoqërohej nga prorektori për ndërkombëtarizim Sorin Stanciu, z. Pascalau, drejtor i zyrës Erasmus+ dhe prodekani prof. Laura nga Fakulteti i Bujqësisë. Gjatë këtyre takimeve të frytshme, prof. dr. Jakupi mori shumë informacione të vlefshme për punën e jashtëzakonshme që po bëhet në universitet.
Takimet e frytshme kanë nxitur entuziazmin për vazhdimin e bashkëpunimit ndërmjet Universitetit të Prishtinës, Universitetit Perëndimor të Timisoarës dhe Universitetit të Shkencave King Michael I. Ata synojnë të eksplorojnë mundësi të reja për zgjerim në fusha të tjera me interes të përbashkët.
Prof. Dr. Jakupi gjithashtu shprehu interesimin e saj për krijimin e Memorandumit të Mirëkuptimit (MoU) ndërmjet universiteteve. Kjo marrëveshje do të vendoste bazat për bashkëpunim akademik dhe shkencor, shkëmbime studentësh dhe stafi, projekte të përbashkëta dhe nisma të tjera bashkëpunuese.
Universiteti i Prishtinës mirëpret thellimin e bashkëpunimit me Universitetin Perëndimor të Timisoara dhe me Universitetin e Shkencave të Jetës King Michael I. Vizita e prof. dr. Jakupi ka forcuar besimin në partneritetet ndërkombëtare për avancimin e cilësisë së arsimit. promovimi i mirëkuptimit ndërkulturor dhe krijimi i mundësive globale për studentët dhe studiuesit.