E nderuara familje Zeqiri,
Me dhimbje, pranuam lajmin e hidhur për ndarjen e hershme nga jeta të prof. ass. dr. Sebahat Zeqirit, e cila ishte pjesë e stafit të Fakultetit të Mjekësisë.
Profesoresha Zeqiri ishte ftiziatër dhe profesoreshë e Mjekësisë Fizikale me Rehabilitim në Degën e Mjekësisë së Përgjithshme dhe Fizioterapisë në FM, ku dha kontribut të çmuar për vite me radhë.
Vdekja e saj është humbje e madhe për komunitetin e mjekëve, për kolegët dhe studentët e saj. Ajo do të mbahet mend nga të gjithë që e njohën si një shembull i shkëlqyer i një profesoreshe dhe studiueseje vullnetplotë.
Më lejoni që në cilësinë e rektorit dhe në emër të organeve menaxhuese dhe drejtuese të UP-së, si dhe studentëve tanë, t’ju shpreh ngushëllimet më të sinqerta për humbjen e më të dashurës tuaj!
Pushoftë e qetë!
I juaji,
Prof. dr. Naser Sahiti
Rektor