Të dashur studentë,

Universiteti i Prishtinës në këto ditë vere është duke vluar nga aktivitetet. Për t’jua bërë verën edhe më të këndshme, i kemi gati për ju tri kampe ditore (bootcamps) me tema të ndryshme me interes. Ju që do të regjistroheni dhe t’u bashkoheni kampeve, do të mësoni nga specialistë të fushës dhe do të ndërveproni në diskutime të vlefshme. Për kryerjen e kampeve do të pajiseni me certifikata.

Javën e fillojmë me kampin për këshillat për prezantimin e ideve të biznesit (Pitching Business Ideas) me Mentor Rexhepin nga Venture UP. Të mërkurën është radha e kampit për dezinformatat dhe Inteligjencën Artificiale, me Dren Gërgurin nga Departamenti i Gazetarisë (UP). Të enjten mbahet kampi për vizualizimin e të dhënave me PowerBI nga Drin Govori, specialist i PowerBI.

Ju ftojmë të regjistroheni me duke plotësuar formularin që e gjeni KËTU dhe ju mirëpresim në sheshin para rektoratit të Universitetit të Prishtinës.

UP-ja ka vend për ju!