Rektori i Universitetit të Prishtinës, prof. dr. Qerim Qerimi, ka pritur sot në takim shefin e Zyrës Sllovake në Kosovë, z. Rastislav Kostilník.
Rektori Qerimi ka prezantuar projektet dhe objektivat e Universitetit të Prishtinës, si dhe ka theksuar gatishmërinë e UP-së për bashkëpunim me institucione sllovake të arsimit të lartë.
Rektori Qerimi dhe Kostilník diskutuan edhe mundësinë e dhënies së bursave për studentë, bashkërendimit të aktiviteteve, mundësitë e shkëmbimeve ndërinstitucionale, si dhe për aplikime në projekte të përbashkëta kërkimore.