Në kampusin universitar është mbajtur edicioni i dytë i aktivitetit “YOGA UP”, me moton “Për një trup dhe mendje të shëndetshme”. Pjesëmarrës në këtë aktivitet ishin studentë nga Fakulteti i Edukimit Fizik dhe Sportit, prorektorja për akreditim, cilësi të mësimit dhe çështje të studentëve, prof. ass. dr. Njomza Llullaku, dhe stafi i Qendrës për Zhvillim të Karrierës.
Ky aktivitet ka për qëllim krijimin e kulturës sportive në mesin e studentëve dhe stafit. YogaUP synon të shndërrohet në një aktivitet tradicional, duke promovuar në këtë mënyrë jetesën e shëndetshme fizike dhe mendore, socializimi dhe promovimi i organizimeve të tilla dhe aktiviteteve ekstra kurrikulare në kampus universitar.
Ky aktivitet u mbështet nga trajnerja profesioniste Florentina Dushi nga BD Group Kosova dhe kompania e pajisjeve sportive “SPORTING”.