Rektori i Universitetit të Prishtinës “Hasan Prishtina”, prof. dr. Naser Sahti, dhe ambasadorja e Francës në Kosovë, znj. Marie-Christine Butel, kanë bërë hapjen e edicionit të katërt të Panairit të Edukimit "Studioni në Francë" 2021.
Gjatë panairit të universiteteve franceze, përfaqësuesit e institucioneve franceze të arsimit të lartë dhe degëve të tyre frankofone në Ballkanin Perëndimor ofruan informacione të rëndësishme për programet e studimit dhe përgatitjen e portofolios së aplikimit.
Në fjalën e tij hapëse të këtij edicioni, rektori Sahiti theksoi që bashkëpunimi në organizimin e kësaj ngjarjeje, për vite më radhë, dëshmon gatishmërinë e UP-së për partneritet me institucione franceze e të tjera institucione evropiane e më gjerë, në mënyrë që të orientojë studentët drejt avancimit të tyre profesional.
“Për kontributin e madh, UP-ja vlerëson lart shtetin francez si dhe thekson vullnetin e madh që të bashkëpunojë me universitete e kolegje franceze në realizimin e shkëmbimeve të studentëve, realizimin e përbashkët të programeve studimore, lëshimit të diplomave të përbashkëta, kërkimeve shkencore dhe trajnimeve, e mundësive të tjera akademike e profesionale për studentët,” tha rektori.
Panairi i Edukimit "Studioni në Francë" 2021 u zhvillua virtualisht në platformën: https://xk.studyinfrancevirtualfairbalkans.com, duke iu dhënë mundësi studentëve dhe të diplomuarve të Universitetit të Prishtinës "Hasan Prishtina", që në kohë reale të komunikojnë me përfaqësuesit e universiteteve pjesëmarrëse.
Panairi Universitar Francez në Kosovë organizohet nga Ambasada Franceze në Kosovë, Aleanca Franceze e Prishtinës dhe Espace Campus France, në bashkëpunim me Universitetin e Prishtinës dhe Kolegjin AAB.
Institucionet dhe kompanitë pjesëmarrëse:
- UNIVERSITÉ LYON 1 (CLAUDE BERNARD )
- COMUE UNIVERSITÉ CÔTE D'AZUR
- UNIVERSITÉ LE MANS (MAINE)
- UNIVERSITÉ CAEN (BASSE NORMANDIE)
- UNIVERSITÉ PAU
- UNIVERSITÉ ROUEN
- UNIVERSITÉ DE BORDEAUX
- SCIENCES PO PARIS
- ECOLE POLYTECHNIQUE DE PARIS
- CNAM - CONSERVATOIRE NATIONAL DES ARTS ET MÉTIERS
- BREST BUSINESS SCHOOL
- EM LYON (ECOLE DE MANAGEMENT LYON)
- ECOLE SUPÉRIEURE DE COMMERCE DE CLERMONT
- ECOLE SUPÉRIEURE DES SCIENCES COMMERCIALES D'ANGERS
- ISG- INSTITUT SUPÉRIEUR DE GESTION
- NEOMA
- INSTITUT NATIONAL DES SCIENCES APPLIQUÉES DE ROUEN
- CESI, ÉCOLE D'INGÉNIEURS
- ECOLE SPÉCIALE DES TRAVAUX PUBLICS DU BÂTIMENT ET DE L'INDUSTRIE
- IMT NORD EUROPE
- ECOLE SPÉCIALE DES TRAVAUX PUBLICS DU BÂTIMENT ET DE L'INDUSTRIE
- SPEOS, ÉCOLE INTERNATIONALE DE PHOTOGRAPHIE
- INSTITUT PAUL BOCUSE
- TALM