Universiteti i Prishtinës “Hasan Prishtina” ka shënuar sot Ditën Botërore të Tokës, me aktivitet simbolik të mbajtur në oborrin e Rektoratit të UP-së.
Gjatë këtij aktiviteti, rektori i UP-së, prof. dr. Naser Sahiti, drejtuesit e Komitetit Olimpik të Kosovës, si dhe përfaqësues të Departamentit të Sportit në Ministrinë e Kulturës, Rinisë dhe Sportit mbollën lule në këtë hapësirë.
Rektori Sahiti u shpreh i lumtur që së bashku me partnerë, dhanë një kontribut simbolik në shënimin e kësaj dite. Ai theksoi që duhet një përkujdesje më e madhe për planetin, që degradimi i tij të ndalet e të mos vazhdoj edhe më tutje.
Në anën tjetër, edhe presidenti i KOK-ut, z. Ismet Krasniqi, bëri thirrje që të kontribuohet për një tokë sa më të pastër.
Dita e Tokës shënohet çdo vit nga Universiteti i Prishtinës, në shenjë të mbështetjes së kauzave për mbrojte të mjedisit.